لا يا يمه ما بكيت

[هبـة الرحمن is verified member.هبـة الرحمن]

لا يا يمه ما بكيت !
كنت أمزح ..
بس أمزح !
كانت النية وربي أدفن شحوبي ..
وأفرح !
وغارت الدمعة ..
وطاحت !
ما قويت آردها ..
يمه استحيت !
وانتي علّمتيني إني أروي اللي من وفاهم ما رويت !
يمّة ودموعي وفيّة ..
دايم تذكرني بـ جرحي إن نسيت
هذا يمة ( إن نسيت ) !
عاد قولي لي بربك ..
هو بقى به شي واحد يستحق أبكي عليه ؟!
إلاّ يمّة ..
هو أنا اللي استحق أبكي عليه !
لا تقولي لي : غبيّة !
اضحكي للدنيا غنّي !
يمه يمكن ما دريتي .. إني دايم أرتوي بالدمع لامنّي ظميت !
إيييييييييه يمّه
أدري طفلة !
بس طفلة جابها للحزن جرحٍ متعِب..
وجدا ( مميت) !
إي أنا كنّي نسيت .. إنّي أصلاً ما بكيت

بس دمعي حيل اشتاق لـ كفوفي ..
وقمت آهدهد له وأقول :

،’ لا يشوفونك دخيلك ...

وإن شعرت إنّي بمرّك ..
سو نفسك ما دريت !
بشكرك" لامن عصيت !

وانتي يمّه :
لا يضيق بـ يوم صدرك لو هو استكثرني كذب!
و مرّني في يوم واله !
لك وعد منّي يا يمّه ..
إني بضحك؛
إني بضحك ؛
لو على جرحي غفيت !​

 

[أبو همام is verified member.أبو همام]

وش نذخر الحزن له دام الوداع الوداع
الليله أحزان ودموع وعذاب وسهر

لا تطفي الشمع دام الليل فيه إتساع
وإترك دموع الوداع إتسيل سر وجهر

لي بالعمر دمعتين ولك نصيب السباع
دمعة رجى وصلك ودمعة رحيلك دهر..!
راقني جدآ ما وجدت هنا
دمتي بهذا التميز يا غاليه
لكِ كل ودي واحترامي

 

[هبـة الرحمن is verified member.هبـة الرحمن]

وش نذخر الحزن له دام الوداع الوداع
الليله أحزان ودموع وعذاب وسهر

لا تطفي الشمع دام الليل فيه إتساع
وإترك دموع الوداع إتسيل سر وجهر

لي بالعمر دمعتين ولك نصيب السباع
دمعة رجى وصلك ودمعة رحيلك دهر..!
راقني جدآ ما وجدت هنا
دمتي بهذا التميز يا غاليه
لكِ كل ودي واحترامي

أشكرك للإضافة المتميزة مثلك ~~

إضافتك وروعة الكلمات طغت على القصيدة

لا عدمني الله وجودك المزهر دوماً بالعطاء

تحياتي لك