اتمنى اموت اليوم واعيش باكر واشوف مين بعد موتي فقدني ,,,,
ومين حملني على المقابر واشكر انا كل من كرمني ودفني ,,,,
وبشوف يرثيني انا كم شاعر ؟؟ ومين تركني وما كتب شي عني ,,,,
شخص تغنى لي مع انه مسافر وشخص قريب وانا ميت طعني ,,,,
وشخص يمثل دمعته ما هو قادر وشخص تطيح دموعه كل ما ذكرني ,,,,
ومين من اهلي في العزا كان حاضر ومين دعا لي في صلاته ورحمني ,,,,
ومين بنى باسمي سبيل ومنابر ومين يفز قلبه الا من لمحني ,,,,
ومين عشاني طول الايام ساهر ومين ثلاث ايام راح وتركني ,,,,
ومين يرتب غرفتي والدفاتر وان شاف صورة لي مات وحضني ,,,,
يالله عسى ما تغفى كل المشاعر ويالله عسى ما ينصدم يوم ظني ,,,,
خايف يروح العمر واكون خاسر وان طــــــار طيري ما يفيد التمني ,,,,
وخايف يجيني وقت اكسر الخواطر وان دارت الدنيا وزماني كسرني ,,,,
ومدام هذه الدنيا صارت مظاهر وكل من على كيفه وجوه يغني ,,,,
صحيح مسلم لكن الهم كافر وكل ما بغيت اضحك يهددني حزني ,,,,
الضيف وافي والحزن حيل وافر والجرح اكثر شي شفته يحبني ,,,,
عايش وميت بين ماضي وحاضر والصبر مفتاح الفرج ضاع مني ,,,,
قول شو تبي وتتركني يا حزني آمر , مسكين فرحي تصدق انه وحشني ,,,,
نفسي اموت اليوم وارتاح مني .. . . .
