كني سما والأرض مني دنيّه
لكن ركام الغيم يخفي عيوبه
لبا النجوم اللي سعدت بمجيّه
يوم ارسلت شهبٍ على من رسوبه
اثر النوايا منك ماهي مطيّه
واثر الحواس الخمس عندي كذوبه
خلاص مالي بالهوى اليوم نيّه
بعوف شيٍ قطعتني دروبه
وسط الحشا ياشين الفين كيّه
وتقول جرحك يامنى الروح دوبه !!
ناظر هذاك الجرح أو دوك ذيّه
مدري تشوف الجرح أو منت صوبه ...؟
صبري تجرع منك هم وأذيّه
لين احترق في تالي الوقت ثوبه
بجمع حطامي واستند يم فيّه
وارفع يديني فوق واقول توبه
