آموت لك \ أموت منك \ أموت معك \ أموت فيك

[علمتني الحياة]

محتاج لك بأدفّي يديني من ملامس يديك
هالثانيه بالضبط ما أظن الشعور يفوتها


عندي قصيده ودّها من خالص إحساسي تجيك
حتى معانيها تبي تاصلك .. قبل بيوتها


قصيدةٍ يرجع سبب تركيبها منّك وإليك
وانت تعرفها من ملامحها وبحّة صوتها


ياللي بديتك شوق كيف أشواق قلبي تنتهيك
وأحلام عمري لا فقدتك ترجع لتابوتها


إي والله أحبّك ولا زلت أعشق وصالك وأبيك
وفي خاطري لك هيبة ملوك العرب ببشوتها


لاجيت أبشكي لك رجعت وقلت وشلون أشتكيك !
وأسكت لو إن جروح قلبي ما تطيق سكوتها


كم لي وأنا أنادي عليك آمال عمري وأحتريك
وكم لك تجيب أعذار من زرق البحور وحوتها

مع كل هذا .. والله إني مشتريك وبأشتريك
وأحسد عليك ........ وجوّها وبيوتها


لا تكثر ظنوني عليّ .. وتكثر ظنونك عليك
نفسي فراقك ضيم حالتها .. وقربك قوتها


آموت لك \ أموت منك \ أموت معك \ أموت فيك
ضع خط .. تحت الموته اللي تعجبك وأموتها

 

[نسيم الصباح]

إي والله أحبّك ولا زلت أعشق وصالك وأبيك
وفي خاطري لك هيبة ملوك العرب ببشوتها

رووووووووعه سلمتي على الانتقاء الرائع
كل الشكر
​

 

[علمتني الحياة]

هلا ياقلبي
والله الزوق وجودك بهالصفحة
نورتي الصفحة يا صاحبة الكلمة الجميلة
تسلميلي ياحق على روعتك
وحضورك

 

[๗ஜĵúMåЙắஜ๗]

آموت لك \ أموت منك \ أموت معك \ أموت فيك
ضع خط .. تحت الموته اللي تعجبك وأموتها

كلمات جميلة جدا ً بكل ما تحمل من معاني ..
أبدعتي غلاتي في هذا الطرح الجميل ..
سلمت يمناك على روعة ما طرحت ..
محبتي ..
​

 

[علمتني الحياة]

جمانا حياتي تسلميلي ياغاليه
ردك مثلك زوق
نورتي صفحتي والله

 

[في صمتي حكاية]

والله رووووووووووووووعة سلمتي فأنت بدعة........

 

[Mansor_alsawalqa]

قصيدةٍ يرجع سبب تركيبها منّك وإليك
وانت تعرفها من ملامحها وبحّة صوتها