يا ويلّ בـآلي من شقى اللو6ـهّـ ويا قطع آلوريدِ•«~

[عطر الايام]

​

إلى متى يا " ضيقه الخاطر " على مجرى الوريد​

ماعاد باقي من دمي قطره ماهي مستوجعه !​

انا دخيلك يا وفا قلبي تسافر بي بعيييد​

طموحك " الربان " .. وجروحك بـ قلبي الامتعه !​

.​

وجه الزمن ماعاد يغري .. وانقفل باب البريد​

وانته " وفاي " اللي لو أخدع دنيتي .. ماأخدعه !​

لا صارت الدنيا مصالح .. والوفا ؟ كم فـ الرصيد !​

انو السفر يم الأمل وأفرد جميع الأشرعه​

.​

.​

بس البلا لا صارت أمواج " التعاسه " من جليد​

وإن صاح جرحك مالقيت اللي يحن ويسمعه ​

من لا يقدّر خوتي .. فـ " أبرك سنه " فرقـاه عيد​

أما " الرفيق الغالي " إليا غاب .. خذ قلبي معه !​

.​

.​

البارحه هبت هواجيسي فـ صدري من جديد​

سوالف ٍ تشره على قلبي بـ حلم ٍ ضيعه ​

لاهنت يا " جرح الزمن " حقق مرادك مايريد​

أهديت للخافق جروح .. وهو رفع لك قبعه !​

.​

.​

يا ويل حالي من شقى اللوعه ويا قطع الوريد​

على آخر جروح الصداقه .. والطعون الموجعه​

قلبي " مصفي نيته " لو كل من حوله ضديد​

يبقى ( الجبل ) مهما وطته الريح ماهي تزعزعه !​

.​

.​

من طاح من عيني ماعاد يهم ينقص أو يزيد​

اللي ينزل قدره بـ نفسه .. هو اللي يرفعه !​

" ريحت قلبي " من عنـا الدنيا وانا اللي مستفيد​

مادام قلبي مالقى في الوقت شي ٍ يقنعه​

.​

.​

إلا رفيق ٍ يجبر الكسر .. وعلى الشده عضيد​

هذا منى قلبي عـلى الدنيا وهذا مطمعه​

أضحك لو أن الضيقه اللي في الحنايا تستزيد​

لين أقهر الضيقه وأخليها تفارق فـ السعه !​

.​

.​

لا خانك الوقت الردي " وما للحديد إلا الحديد "​

اللي شراك أهده وفـا .. واللي خذل عهدك بعه​

تمشي المقادير بـ هوى الراضي وتلعب بـ العنيد​

صدق اللي قال ان طاعك " الوقت الردي " ولا طعه !​

.​

.​

العمر بـ أيامه قطار .. وراكب ٍ سكة حديد​

وتمر لحظاته مابين المحزنه و الممتعه​

كل الحياه دروس والدنيا عبر والمستفيد !!​

اللي خذا من ( جمله الدنيا ) دروس ٍ تنفعه​

​

 

[قطر الندىقطر الندى is verified member.]

لاهنت يا " جرح الزمن " حقق مرادك مايريد​

أهديت للخافق جروح .. وهو رفع لك قبعه !



كلماتك جميــــله
يعطيكي الف عافيه
يسلمو اديكي و يسلم قلمك

بأنتظار جديدك
ودي و حترامي لك
​

 

[ĵúMåЙắĵúMåЙắ is verified member.]

أضحك لو أن الضيقه اللي في الحنايا تستزيد​

لين أقهر الضيقه وأخليها تفارق فـ السعه !​

كلمات فاقت الروعة
تميزتي يالغالية في هذا الطرح الأكثر من رائع
بإنتظار جديدك المميز
محبتي ..​

 

[زهره النرجس]

كلمات مميزة أختي الغالية
الله يعطيك ألف عافية
تقبلي مروري البسيط