فوق الجروح اللي بقلبي من سنين
يـكـفـي دخـيــل الله لا تجـرحـونـي
مادامكم ما انتـم لجرحـي مداوييـن
انسـو وجــودي بينـكـم واتركـونـي
وش عـذابـي والعـنـاء مستفـيـديـن
وش مصلحتكم يـوم تبكـي عيونـي
اللي بقلبـي مـن شقـا العمـر كافيـن
واللـي بعينـي شـفـت زود جنـونـي
ماينيب ناقص زود بله علي الطين
با العكس انا محتـاج قلـب حنونـي
يا اهل القلوب القاسيه ويش ناوين
اكثر من اللي صار صعب يكونـي
انـاشـد الرحـمـه واناشـدكـم اللـيـن
لوجـه رب البـيـت بــس اعتقـونـي
