جرد القصايد

[علمتني الحياة]

يا رقيق المشاعر .. وين ذاك الحنان ..؟!

ليه ما شلت قلب .. طاح قدام عينك ..؟!

الزمن هو زمانك و المكان .. المكان ..

وآخر الشعر كلمة .. تسألك عنك وينك ..؟!

من تقهويت صوتك سولف الزعفران ..

عاد وشلون فنجان لي تمده بيدينك ..

تذكر شلون كنا ..؟! والزمن كيف كان ..؟!

يوم لا غبت عنك ما أسمع إلا ونينك ..

أشعر بخوف مدري كنت أحس بأمان ..

يكفي إن جيت يمك طار فيني حنينك ..

شكثر كنت وافي وأقرب الناس خان ..

بس تكفيك حتى لو عيوني تدينك ..

كان عمري بقربك تالي الوقت زان ..

حتى جرد القصايد ربعت في يدينك ..

طول عمري وأنا له ويذرى عالهوان ..

شفت يومك بعيني منهو يقدر يهينك ..

أذكر أني نسيتك وأذكرك من زمان ..

وأذكر أني ضحية بين قلبي وبينك ..

تدري وش جابني لك ..؟! لا تقول الحنان ..

جيت بأشيل قلب .. طاح قدام عينك ..

منقول

 

[مہجہرد إنہسہآن is verified member.مہجہرد إنہسہآن]

كلمات جميلة جميلة جميلة

جدا راقت لي ام برهوم

اشكرك كل الشكر على طرحك الاجمل

تحياتي

تستحقي التقيم

​

 

[علمتني الحياة]

هلا ابو بشار منور الصفحة
واشكرك على الرد الراقي
لك مني كل احترام وتقدير
مشكور على التقييم والترفيع

 

[قطر الندى is verified member.قطر الندى]

روعه الكلمات يا الغاليه

و فعلا انحسنتي اختيار الكلمات

يعطيكي الف عافيه

تحياتي

 

[علمتني الحياة]

هلا يا عمري نورتي الصفحة
بالرد الجميل والرائع

 

[انين الورد]

أذكر أني نسيتك وأذكرك من زمان ..

وأذكر أني ضحية بين قلبي وبينك

يسلموا حبيبت قلبي كلامك كثير حلوووو

 

[غآآآليهـ وأتغلآ]

تذكر شلون كنا ..؟! والزمن كيف كان ..؟!

يوم لا غبت عنك ما أسمع إلا ونينك ..

أشعر بخوف مدري كنت أحس بأمان ..

يكفي إن جيت يمك طار فيني حنينك ..

شكثر كنت وافي وأقرب الناس خان ..




الله جنااااااااان يسلمو دياتك يارب

 

[علمتني الحياة]

هلا والله منورين والله ومشكورين على الردود اللي تفرح القلب كلمات جميله
لكن ردودكم من جعل الكلمات اروع