حكي مكبوت

إيمـ حرف منسي ــــان

إيمـ حرف منسي ــــان

.




مدخل:
يا شاربين الـ سوالف .. سولفوا عنها ..
عطشان لـ علومها ما ودي أخمن ..
لو بالغلط قولوا إن الخير حاضنها ..
خلوني أغير منَّه لكن أتطمن .. !



النص:
ماهوب وقت الكلام وجيت به عاني ..
حطوه في روسكم حتى يجي وقته ..
مؤمن ولكن كثير الصمت أذاني ..
والصدر عيا يكمل عنكم كبته ..
ماني مصرح لها ماهو على شاني ..
لو هي علي من زمان اللي أبي صبته ..
بـ ايديني أفعال تسبق منطق لساني ..
وارث وتدرون ورثي منكم جبته ..
العقل ميزان ترجح فيه أحزاني ..
والحب من بين ضلعين الهوى بقته ..
أنب ضميري وخلاني وبكاني ..
على بساط الندم تسترني أروقته ..
تهب ريح الطواري ما تعداني ..
الا ومعها تروح الروح مرغبته ..
حاولت أبنسى لقيت إني أبنساني ..
لوني على القلب والي كان أدبته ..
خلوني أبوح دام الشوق صحاني ..
بي طفل دنياه بالتفكير مرعبته ..
يا ما تبعثر وعوّد بي ووداني ..
حتى من الله تركد لين رتبته ..
طلبتكم بشروا بالخير وجداني ..
خايف وخوفي متى ما طابني طبته ..
أوعدكم أسلم الإحساس حرماني ..
وأدله مع غياب عذبني وعذبته ..
وأترك وزيز السؤال الحاير الجاني ..
يدوّر بصمتي المعتاد أجوبته ..
ماهوب وقت الكلام وجيت به عاني ..
حطوه في روسكم حتى يجي وقته .. !​



مخرج:
يا ليل خب اللي بقوله وفارق ..
كم لي معك سهران والناس نيام ..
لا شفتني من سبة الهم غارق ..
جب لي ولها لا غفت عين الأحلام ..
بـ أتخيل طيوف الحبيبه نمارق ..
وأكفكف عيوني من الدمع وأنام .. !​
 
يا ليل خب اللي بقوله وفارق ..
كم لي معك سهران والناس نيام ..
لا شفتني من سبة الهم غارق ..
جب لي ولها لا غفت عين الأحلام ..
بـ أتخيل طيوف الحبيبه نمارق ..
وأكفكف عيوني من الدمع وأنام .. !



رووووعه يا غاليه

انتقاء مميز

يعطيكي الف عافيه

دمت ودام نبض احساسك
 
يع ــطيك الع ــآفية
ولآ ع ــدمنآ تميز انآملك الذهبية
دمت ودآم بح ــر عطآئك بمآ يطرح متميزآ
بنتظآر القآدم بشووق
فلآ تح ــرمنآ من جديد تميزك
لروح ــك بآقآت من الجوري
 
سطورك دُجّلت ب ابداع إستنزفه
قلمك
أرى نزف آلمك جنة من حروف
وإنصهرت الجروح حتى رسمت لنا سحر الحروف
دمتي بخير
​
 
رووووووووووعة يا غالية
والله اشتقت لقراءة مواضيعك المميزة كتميزك
الله لا يحرمنا منك ولا من مواضيعك الراقية
​
 
يجب تسجيل الدخول أو التسجيل كي تتمكن من الرد هنا.
عودة
أعلى