مہجہرد إنہسہآن
ادارة الموقع
خيّمت التباينات بين الفعاليات الشعبية والحزبية والنقابية من جهة وبين التيار الاسلامي من جهة اخرى، على مسيرة "الغضب" بمحافظة اربد.
وبرزت التباينات في الشعارات والهتافات التي صدحت بها حناجر المتظاهرين في جمعة لا لرفع الاسعار، التي نظمها الائتلاف الشعبي والشبابي للتغيير، بعد صلاة الجمعة من امام المسجد الهاشمي باتجاه وسط البلد، وبمشاركة الاسلاميين.
المشاركون انتقدوا الحركة الاسلامية من خلال هتاف "بدنا اصلاح وتغيير وما بنتغدى مع السفير"، في اشارة الى لقاءات الاخوان المسلمين مع السفير البريطاني.
الخلافات الداخلية بين المشاركين التي تطورت الى اشتباكات بالايدي بعد ان حاول الاسلاميون تصدر المشهد وقاموا بنسب الفعالية لهم، وهو ما اثار حفيظة ناشطي الائتلاف ودفعهم لانتزاع المايكروفون من الاسلامين، بحسب ما افاد به مراسلنا هناك.
الخلافات لم تنسي المشاركين العنوان الابرز للمسيرة الحاشدة ولاغلب مسيرات المحافظات وهو "لا لرفع الاسعار".
وحملت الشعارات والهتافات التي انفجرت بها حناجر المشاركين هجوما لاذعا على النواب والحكومة، وتحذيرات من مغبة قرار رفع الاسعار، واستمر سقف الشعارت بالارتفاع في سابقة لم تعهدها المسيرات المختلفة بمحافظة اربد منذ انطلاق "الربيع الاردني".
ومن الشعارات والهتافات التي رفعت في المسيرة :
يا فايز شكلك نسيان فجرت الثورة بنيسان
يا...اسمع اسمع كهربا ما رح ندفع
لا ولاء ولا انتماء الى لرب السماء
والربيع نور وازهر وبتونس ورد معطر
واحنا جاينك عمان واربيع الوان الوان
قولو الله وعلو الصوت احنا ما بنهاب الموت
ارفع علي بالهتاف شعب الاردن ما بخاف
المديونية مليارات سرقوها.....
الشعب حرق حاله و...ولا على باله
لا لسيلسة الاستحمار والاستعمار..نحن اصحاب الدار والقرار
اكتب راح اشكي واحكي..ياردن لا لا تشكي
يا طراونة قل لسيدك شعب الاردن مش عبيدك
ليش بترفعوا الاسعار
بيان رقم ١..الشعب الاردني ما بنذل
بيان رقم ١...اكيد هيك ما راح نظل
بيان رقم ١...من اربد اجت البشاير
- بدنا اصلاح وتغيير وما بنتغدى مع السفير
- وبدنا اصلاح و تغيير مش لقمة ببيت السفير
- ملينا دور الشحاد وبدنا نحارب هالفساد
- ومن هون لحد الموت ع الفاسد ما ضل سكوت
- الاردن بلد الاحرار و الاصلاح هو القرار
- امن الدولة امن الدولة وين الامن ووين الدولة
- يا فايز اسمع اسمع والكهربا مش رح ندفع.
http://www.youtube.com/watch?feature=player_embedded&v=SqBj_lW_KXU
