هبـة الرحمن
عضو مميز
االـفـــــــــــــــرج
يوم ضاقت قلت: وينك يا الفرج؟
قال: جيت وشفت حولك ألف صاحب
وخفت أسبب لك حرج!!!
إرتكيت...بس وين اللي يشيل الحمل وينه
وين ذاك اللي ذخرته للظما قطرات وينه
وين أبو الفزعات عنّي ما قدرت ألقاه وينه
من لمحني فوق كف الموج فض
وكسّر ألواح الرجا بيني وبينه
حزّ نفسي غص في حلقي ورض
كل ضلع لي معاه وغض عينه .... يحسب إني مت هم...
ولا درى إني حي لكن مت من خنقة يدينه
يالفرج...
صاحبي ما شفت زوله من فقدته يوم شدّه
بس لو جاني على قلعة عيوني حالف إني ما أرده
والمودّة يا الفرج هي المودّة
صاحبي مالي بصدّه صاحبي روحي عرينه
ولو نصاني والنواصي عشب قبري
والله إني غصب لأحيا ثم أعينه
ارتكيت وطحت والجلمود ناخ
آه يا كذب الليالي البيض آه يا ظلم السباخ
من مشاها ولا وراه زنود تبري الكبد داخ
يا كثر ما خيّبت ظن اللبيب
ويا كثر ما غيّبت وجه قريب
ويا كثر ما شاف منها صافي النيّة وشاخ
ارتكيت وأثر ظلي ما يمون
وأثرني كومة طعون
من غلاة أصحابها ... ما قدرت آقول آخ
لي مبادي
وصاحبي لو جار منه الجور عادي
وصاحبي لو خذل رجواي عادي
وصاحبي لو بخل برضاي عادي
وصاحبي لو قتل ذكراي عادي
وصاحبي...
يبقى العزيز الناصع اللي له ودادي
ودام أنا ستره وثوبه
صاحبي ما أقول عنه أبداً وتوبه
يا هلابه وبعيوبه وبذنوبه يا هلا
إن وصلني يا هلا وإن قطعني يا هلا
صاحبي وإلا فلا... وإلا فلا
والغلا نعمة كريم وساقها لكل الملا
ودام لأهل الأرض رب
يا الفرج : حاول تحب ..
ولو تشوف أصحاب واجد حول قلبي لا تعاند
السواعد من سراب
والحصايد من يباب
والشعر كذاب
خل فتال الشوارب عن يمينك
ولا تخاف من الحرج لو قيل وينك
كلهم مثلي تراهم بالنهاية طالبينك
طالبينك يا الفرج
ويوم ضاقت قلت وينك يا الفرج
قال جيت وشفت حولك ألف صاحب
وخفت أسبب لك حرج
يوم ضاقت قلت: وينك يا الفرج؟
قال: جيت وشفت حولك ألف صاحب
وخفت أسبب لك حرج!!!
إرتكيت...بس وين اللي يشيل الحمل وينه
وين ذاك اللي ذخرته للظما قطرات وينه
وين أبو الفزعات عنّي ما قدرت ألقاه وينه
من لمحني فوق كف الموج فض
وكسّر ألواح الرجا بيني وبينه
حزّ نفسي غص في حلقي ورض
كل ضلع لي معاه وغض عينه .... يحسب إني مت هم...
ولا درى إني حي لكن مت من خنقة يدينه
يالفرج...
صاحبي ما شفت زوله من فقدته يوم شدّه
بس لو جاني على قلعة عيوني حالف إني ما أرده
والمودّة يا الفرج هي المودّة
صاحبي مالي بصدّه صاحبي روحي عرينه
ولو نصاني والنواصي عشب قبري
والله إني غصب لأحيا ثم أعينه
ارتكيت وطحت والجلمود ناخ
آه يا كذب الليالي البيض آه يا ظلم السباخ
من مشاها ولا وراه زنود تبري الكبد داخ
يا كثر ما خيّبت ظن اللبيب
ويا كثر ما غيّبت وجه قريب
ويا كثر ما شاف منها صافي النيّة وشاخ
ارتكيت وأثر ظلي ما يمون
وأثرني كومة طعون
من غلاة أصحابها ... ما قدرت آقول آخ
لي مبادي
وصاحبي لو جار منه الجور عادي
وصاحبي لو خذل رجواي عادي
وصاحبي لو بخل برضاي عادي
وصاحبي لو قتل ذكراي عادي
وصاحبي...
يبقى العزيز الناصع اللي له ودادي
ودام أنا ستره وثوبه
صاحبي ما أقول عنه أبداً وتوبه
يا هلابه وبعيوبه وبذنوبه يا هلا
إن وصلني يا هلا وإن قطعني يا هلا
صاحبي وإلا فلا... وإلا فلا
والغلا نعمة كريم وساقها لكل الملا
ودام لأهل الأرض رب
يا الفرج : حاول تحب ..
ولو تشوف أصحاب واجد حول قلبي لا تعاند
السواعد من سراب
والحصايد من يباب
والشعر كذاب
خل فتال الشوارب عن يمينك
ولا تخاف من الحرج لو قيل وينك
كلهم مثلي تراهم بالنهاية طالبينك
طالبينك يا الفرج
ويوم ضاقت قلت وينك يا الفرج
قال جيت وشفت حولك ألف صاحب
وخفت أسبب لك حرج
