رغم الترابط و الوصل حسيت فـ الروح اغتراب

أبو همام

أبو همام is verified member.أبو همام

رغم الترابط و الوصل حسيت فـ الروح اغتراب
ودي ارجع مع صفوف المدرسسسهـ و ركابها
للمدرسسسهـ وحشه و لكن ماهي وحشة للـ كتاب
للصحبه اللي ماتناست بـ الفراق اصحابها
شوقي لـ جمعتهم كثر ما ينتثر مزن السحاب
كثر حنين المغترب عن ديرته لـ ترابها
في ظل جمعتنا مرح يموت جو الاكتئاب
و في شقاوتنا براءة نختفي بـ ثيابها
يا كثر ماكنا نخالف فـ النظام و ما نهاب
حتى قوانين الادارة ما حسبنا حسابها
عودونا نلتقي بعد الاجازة و الغياب
اذا المدارس رحبت و استقبلت طلابها
و الحين صار فراقنا فرقى ذهاب بلا اياب
ما عاد تجمعنا سنين المدرسسهـ بـ أحبابها
اتذكر اليوم الاخير المر و الفرقى عذاب
الموعد اللي ساعته من قبل كنا نهابها
ودعت كل اللي احتوتني قلوبهم قبل الذهاب
قفيت عنهم و نثرت عيني دموع اهدابها
جبنا الشهادة و افترقنا غصب عنا للـ غياب
و انتهت اغلى اربع سنين مرينا بها
فمان الذكريات اللي صداها باقي ما غاب
يـ الصحبه اللي ماتناست بـ الفراق اصحابها

ودي
محمد السوالقه
 
و انتهت اغلى اربع سنين مرينا بها
فمان الذكريات اللي صداها باقي ما غاب
يـ الصحبه اللي ماتناست بـ الفراق اصحابها

من جدد كلمآت ولا أرووع ..
كل الشكر على هالمشآركــة الجميلة ..

واللي رجعتنا بالذآكــرة لأحلى أيام عشنآهــا

مع أشخآص حفرنـا صورتهم بالذآكـرة والقلب :eh_s(21):
وذكرتنآ ب شقآوتنآ ومغآمرآتنــا اللي مستحيل ننسآهــآ


تحيآتــي لك اخوي ..~
​
 
يجب تسجيل الدخول أو التسجيل كي تتمكن من الرد هنا.
عودة
أعلى