على ذاك العهد وافي

ا

ابوس راسك يازمن

وربي لو تغيب سنين وياخذك الزمن عني
أببقى يا بعد عمري على ذاك العهد وافي​

ترى من جد حبيتك وزود الحب جنني
كتمت الحب في صدري ولابد يظهر الخافي​

رسمت أشواقي لك ورده ابيها توصلك مني
وأبي منك تعطرها وتسقيها عسل صافي​

يموت بداخلي انسان ويحيا انسان ويغني
يقول أموت في حبك وياليته بعد كافي​

ألا يا لهفتي تكفين أبي أحياك أنا كلي
أعرف ان لهفتي عله عجزت القى لها شافي​

أبكتب لك قصيدة حب وأصيغ الحان وأغني
أببحر في بحور الشوق وهو يكسرلي مجذافي​

أضم في داخلي عبرات وآهات تعذبني
أنقي من همومي هم وأشيله فوق الاكتافي​

وبالاخر أبطلب منك:​

تذكرني قبل مارحل وبعدماارحل تذكرني
مثل طفل فقد أمه وهو في حضنها غافي​

تصدق لو تغيب سنين وياخذك الزمن عني
تأكد وقت ماترجع بتلقى حضني الدافي​
 

تصدق لو تغيب سنين وياخذك الزمن عني
تأكد وقت ماترجع بتلقى حضني الدافي




يسلم ايديك ابوس راسك يا زمن على هذا النقل الانيق والجميل
تغيب ثم تعود علينا ماهو رائع
 
يجب تسجيل الدخول أو التسجيل كي تتمكن من الرد هنا.
عودة
أعلى