شروقـ♥̨̥̬̩
الإدارة العامة
^^^^^^^^^^^^^^^
^^^^^^^^^^^^
^^^^^^^
^^^
^^
^
انا والليل والعبرة وجـرح وخاطر ٍمكســـور
^^^^^^^^^^^^
^^^^^^^
^^^
^^
^
انا والليل والعبرة وجـرح وخاطر ٍمكســـور
ونفس من هجير البعـد والحـرمان مقهـورة
وقلب ظامي لشـوفك ولايروى ظمـاه بحــور
وعين تحتري لحظة غياب الطيف وحظـوره
ونار تنطفي مــره ومــره تشــتعــل وتـثـــور
واقــول النـار مقـدورة وهي ما هيب مقدورة
حسبت الليل بغيــابك يمـــرن الليـــال دهـــور
وكنـي شـــايل بقلبـي ليــال الوقـت وشـهـوره
تصبـرت وتقــدرت وبنيت من الخـيـال قصور
إلين ان الجفا شـــد الركـــايب وانتـهـى دوره
تحريتك علـى درب القصـيد من ثلاث دهـــور
وحشا ما مات لك غصن يشف الماي بجذوره
تخــيـرت الغــرام وجيت لا راضي ولا مجبور
وجيتي تسبقـيـن خطــاك مرضيــه ومجـبـوره
وانا مـا كـان لي رغبه أبين واكشف المستور
ولكـن الجـمـال أكـبـر مـن الخـفـاق وشـعـوره
جمــال وود وعـيــون ودلال وكبـريــاء شعور
وفـتـنـة تخــذل عـيـون النهـار وينطفي نوره
ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة
عـرفتك وانتهت رحـلـة قساوة دربي المهجور
والا يا جملة أيام الجفـا والصـد مشـــكـورة
خـذتني للجـــفا عزه واخـــذني للعناد غرور
واخــاف اكـون بعنادى حبيب ومات بغروره
وإذا كانت مسافات الخيــانة للغـــرام قبــــور
وش اللي يجبر العاشق يخون ويحفر قبوره؟
وش اللي يجبر الشاعر يدور للشعر جمهور؟
مدام انتي محـبـيـنـه وعشـــــاقه وجـمهـــوره
^
^^
^^^
^^^^
^^^^^
