احبك كثر ما قد صار .. احبك رغم ما قد صار
احبك كثر ما دنيا الزعل والصـد .. مهجـوره
.
.
احبك كثر ما تمطر بصدري من غلاك امطـار
احبك كثر ما صارت اراضي العشق ممطـوره
احبك كثر ما تفتـح شبابيـك الربيـع ازهـار
احبك كثر ما غنّت عشـان الصبـح عصفـوره
.
.
احبك كثر ما تاقف على جنب الطريق اشجـار
احبك كثر ما يقسـى الشتـا وتهاجـر طيـوره
.
احبك كثر ما ف الأرض بنتٍ تلفـت الأنظـار
احبك كثر ما يرتاح عطـر بصـدر مغـروره
.
.
احبك كثر ما جاب المساء فـي معطفـه زوار
احبك كثر مـا جانـا صبـاحٍ يشبهـك نـوره
.
.
احبك كثر ما تهدي كفوف الوصل مـن تذكـار
احبك كثر ما شالـت يديـن العاشـق زهـوره
احبك كثر ما نقرا عن الفارس عـن المغـوار
احبك كثر ما نسمـع ولا شفنـا ولا اسطـوره
.
.
احبك كثر ما تلعـب بدنيـا العاشقيـن اقـدار
احبك كثر ما .. ذا الحظ دايم يعلـن قصـوره
.
.
احبك كثر مـا ملّـت قصايدنـا مـن التكـرار
احبك كثر ما الشاعر تمنـى حـب جمهـوره
.
.
احبك كثر ما شفنا على وجـه الزمـان اثـار
احبك كثر ما في الأرض فقر وناس ميسـوره
.
.
احبك كثر ما نجهل متى توقـف بنـا الأعمـار
احبك كثر مـا قلنـا عـن الأحـوال مستـوره
.
.
احبك كثر مـا دارت بذهـن الحالميـن افكـار
احبك كثر ما في الخير ناس ب خير مذكـوره
.
.
احبك كثر ما نرمي حكايـات الحطـب للنـار
احبك كثر ما نسمـع حكايـا حـب مشهـوره
احبك كثر ما ضاق السجيـن بلعنـة الأسـوار
احبك كثر ما هـاج البحـر واجتاحتـه ثـوره
.
.
احبك كثر ما ننسى واحبـك كثـر مـا نحتـار
احبك كثر ما يسهر محب وفـي يـده صـوره
.
.
احبك كثر ما تقطع شفاتك ف العسـل مشـوار
احبك كثر ما خدك يخلي الشمـس مبهـوره ..
.
.
احبك كثر ما روّج عليك الحسـن مـن اخبـار
احبك كثر ما صدرك يـدوخ الـورد بعطـوره
.
.
احبك كثر ما في عينك من السحـر والأغـوار
احبك كثر ما فيك الغـلا مـا وفّـت سطـوره
.
.
احبك والزمن ساكن واحبـك لـو زمانـي دار
احبك يا مدينة حب وسـط الصـدر معمـوره
.
.
احبك والتفت شاعر لعينك و انطـرت اشعـار
حلف ما يمسي الليله قبل مـا يكتـب شعـوره
ورتبتك بصدري وانت تستاهل وراعي دار
تفضل قلب اوراق الغلا وايديك مشكوره
تفضل لو انت مثلك ذكرت تهلت الانوار
وقمت اجمع من اشواقي قصايد عشق منثوره
تلذذ بالجمال وقلت ابهديك القصيدة إجرار
غلاك وصدق حبك ماترك لي نفس م;sوره
انا عاشق جمال وماخفالي في الجمال اسرار
انا لان كتبت اعطيك واعطي العشق بقدوره
كتبت في القصيدة ابيات من حسنك عليك تغار حروف العشق طفله في ثياب العيد مسبوره
لقيتك والدلع والثقل شله والحسن ثرثار
ويقول اشياء كثيره للعيون ويثبت حضوره
كفايه لو تطل ويفرح بطلتك دار الجار
كفاية لو تشوف الناس بنظرتك معسوره
احبك ثم احبك ثم احبك رغم ماقد صار ..
احبك حيل مهما صار ..
احبك دام انا طيب واراضي العشق ممطوره
أحبك ثم أحبك ثم أحبك
رغم ماقد صار
ـ ـ ـ ـ أح ـبكـ ـ ـ ـ ـ
