مہجہرد إنہسہآن
ادارة الموقع
لا صرت بايعني أشوفك على خير....
مع الســــــلامه دام مــــــابه سلامه
قلت أنتهينا قلت لك خير ياطير....
ماني بـــــأول شخص يخسر غـــــــرامه
محذرك من قبلها ألف تحـــــــذير....
لاعـــــفتني بيعيف قـــلبي هيــــــــــامه
مــــاني بميت لا ولا احتاج تبرير....
صح الله لســـــانك ووفر كــــــــلامه
بسمعك حبــــكه وفـــكره وتصوير....
وأفـــهم عـــــدل يــــامدعي بالفهـــــــامه
وجه الشعر ابيض ويحتاج تغيــــــــير....
ودي تزين هـــالقصيده عـــــــــــــلامه
ماضيك الأسود بذكره دون تقصيير....
كذا يكون بخد هالشعر شــــــــــــــامه
يصدق معي تعبير ويخون تعبير....
ياضيعة الشــــــــاعر بوقت انسجامه
يمكن خطااا ادونك بالشعر مير....
لو مااحترمتك للغرام احترامــــــــــه
ماكان حبك غير بس طعنتك غير....
علمــــتني معنى الندم والندامـــــــــــــه
ماجــــــاك مني اي زله او تقصير....
كل مــــاخطيت أعاتبك بابتسامــــــه
حسبي على الذكرى اذا هبت عصير....
ماعــــــاد تنفع شرهتي والمـــــلامـــــه
البــــــال ضامي وقتها والحزن بير....
خســــرتك وهمي كسبت اهتمامــــــه
والليل فازع لك كذا جاني مغير....
ظـــــلمتني واكثر ظلمني ظلامـــــه
لأقبل علي أوحيت صوت المسايير....
وفزيــــت كل ضيف أقوم بمقـــامـــــــه
واليا عزم هالليل ضيقه وتفكير....
قـــــلي بربك كيف بقدر أنــــــامه
مـــافيه داعي للعتب والمعاذير....
الغــــدر خال الجرح وأطيب عمامه
اما يجيب الله مطر وتــاليه خير....
والا السلامه ماش ما به سلامه
×× وسلآآآمتكمـ ××
