حنين المسافات

[زهره النرجس]

سافرت ناوي أترك الجرح بسْكات
لقيت غيره بالسفر يحتريني
مدري النهاية عوّدت للبدايات
مدري البداية ماتبي تنْتِهيني
للدرب ذكرى / ودمعتين / وحِكايات
والليل يرسم مامضى من سنيني
حاولت أهرب عن حنيني / مسافات
بس وين أهرب؟ والمسافة / حنيني
جاب الزمن فوج الجروح القديمات
ثم حطّها مثل القدر في جبيني
هذا ثمان سنين هذا عمر فات
هذا الذي من خير الأيّام فيني
هذا حزن أمسي / وهذا حزن آت
والمقْبله أحسّها جَرّهديني
أسْري على فال الدهر والمتاهات
مقْفي ولادري وش ورى خطّوِتيني
مرّات تسألني عيون المحطّات
مرّات أسْألها أنا صرت ويني
طالت مشاويري على كَفْ الآهات
والضيق والحسْرة غدتْ وِجْهَتيني
أخايل أوْهام الأمل والأمل مات
أدري ولكن وش طلع في يديني
مدّيت حلمي للمدا والممرات
ماقلت يادروب الأسى رجّعـيني
شيّلت من حمل الزمن كوم ضِيقات
ماثقّلت بحْمولها دمْعتيني
صابر على حكم القدر يا نِهايات
باقي على روح الأمل يا سنيني
رحّال أبقى في عيون المحطّات
مفقود أدري في مسافة حنيني
ببقى على عناد الدهر والمتاهات
شامخ ولا هز المدا رمش عيني


منقوووووووووول

​

 

[فرحة الاردن]

رائع تسلم ايدك على الموضوع الحلو
محبتي

 

[زهره النرجس]

منوره يا احلى فروووحه
الله لا يحرمني طلتك
​

 

[الورده النقية]

كلمات رائعهـ الله يعطيك الف

عافيهـ ويسلم دياتكـ يا قلبي

وما ننحرم من جديدكـ المميز

دمتي ودام لنا قلمك الباهــر

ودي لك:eh_s(21):

 

[زهره النرجس]

منوره يا أحلى
وردة
الله لا يحرمني طلتك الحلوة
​