إيمـ حرف منسي ــــان
عضو جديد
جرّد ملابس رسمتك ،
خل الخريف .. يجول بين ألوانها ،
ومشّط ملامح نسمتك ،
ب أمشاط ريح .. مكسّره أسنانها ،
ولبّس عبايه بسمتك ،
لون السواد اللي هما بأكفانها ،
خل الخريف .. يجول بين ألوانها ،
ومشّط ملامح نسمتك ،
ب أمشاط ريح .. مكسّره أسنانها ،
ولبّس عبايه بسمتك ،
لون السواد اللي هما بأكفانها ،
على [شُرفة ندم ] .يذرف عشم متشبثٍ بِ خِطـاك
وتحت [ ذمّة رئه ] .. أطرد سمومـك مـن تناهيـدي
وتحت [ ذمّة رئه ] .. أطرد سمومـك مـن تناهيـدي
زمانٍ كِنت حوريـة .. تعانـق / تعتنـق مرسـاك !!
تشوفك حظوة أحـلام ( الشقـا/وه) والمواعيـدي!!
عيوني ( طير )و جفوني ( جناح ) من السمآء يغشاك
وفمّي( يحرث ) بِ أرضٍ .. تناغي فيـك تخليـدي
أجيك أبذر من النيّه /بيآضٍ .. نآقضـه فحـواك !!
وتبذرني ملامـح مـن تعـب .. تحصد تجاعيـدي !!
وتخامـر بالمحانـي جفـوةٍ / تكـره غثـا لامــاك
وأنا اللي مـا أستكيـن إلا يمينـك تحتضـن إيـدي !!
تغازل (كِحلْ ) يشرب من عيونٍ ب السـواد أعمـاك
تفضل خذْ معك كحلي .. بقايا عين .. يا سيِـدي !!
تعكزت الجدار .. وخيبـةٍ تشحـذ علـى شُبـاك ؛
يبيع النوم .. يـوم إنـه تلعثـم فـي تساهيـدي !!
يبست وأنحنى عُمري قبـل ظهـري .. وقمـت أذراك
هشيمٍ.. تنتحر فيك الغصون .. وذق جنا / كيدي !!
( حصادي ) ..يشتهي منقار طير ..يبوقنـي وأرقـاك
وقصة هالشتآء .. تبدأ مع أول يـوم .. تشريـدي !!
أبرحل في هجيـج العُمـر ( ظـلٍّ) يمتطـي فرقـاك
زهابي / طعنتي ، ملحي ، حنيـن أمـي وأناشيـدي!!
وأبكْنز عزتي .. وأعزف وطن ، يشدو علـى منفـاك
وأبسرق من تراتيـل القمـر / نايـات .. تضميـدي !!
ولو فـي زحمـة البـور المكـدّس ، صدفـةٍ ألقـاك ،
معك ( دلو السراب) اللي زعبته لأجـل تهديـدي!!
أَبَنْحَرْ كل أصآبيـع العطـش .. لا لوّحـت تنخـاك
وحسبي إن {النوارس} تكتنف رغم العطـش بِيـدي
على هامش معاليقـي | غـدت ياهاجـري ذكـراك
وتصـور لا ذكرتـك / أستشفّـك حيـل تقليـدي !!
وتصدق ( بسملة حُبك) طلاسـم لا بغيـت أقـراك
وأنا اللي كنت أشوفك ( أبجديـة) تختصـر / عيـدي
وعزاي إن ( التلاعب) صامني .. وأفطر على شـرواك
و ( سلّة هالسماء) تقطف .. نجـومٍ مـن عناقيـدي
[ عُصآرة تُوت] في شرعي / حـرام أصبّنـي بِشفـاك
[ تِلاوة مجد] ما تقـدر أبـد فـي يـوم تجويـدي !
ولك الله يا ( يمينٍ) ضامها التغريـر مـن ( يسـراك)
وعلى الله يا (فحيـحٍ) أخـرص بمكـره تغاريـدي !!
مخرج ،
أسترسلك ..
ذكرى سلاسل من عِنب !!
صارت نشآره من خشب !!
وأبعثرك !!
و .. (ضبآبتي ) ..
تُوشم على صدر السمآء /
الله معك !!
و..(سبابتي) ..
تكتب على وجه الرحيل /
الله معك !!
الله معك ، والله معي !!
تكتب على وجه الرحيل /
الله معك !!
الله معك ، والله معي !!
