ĵúMåЙắ
عضو مميز
مدخل ,
علمني أنساك , ياحلمٍ ملا أمسي
.................. قبل لاتنوي أمانه لحظه وداعي
مافيه داعي توصيني على نفسي
................ مادام صرت بحياتك مالي أي داعي
,
كم قلت للنفس من كثر الجفا استرحي
.................. ليا متى شاعرك عايش على الذكرى
ياعبرتي لا تغافلج الزمان اصحي
.................. الفرح له حزته لو .. طول المسرى
ياكثر ماأتعبت ليلي في رجا صبحي
.................. وصدوف الايام لاتكتب , ولا تقرى
يوم أنكسر في ميادين الهوى رمحي
.................. وظلوعي العوج صارن للفراق اسرى
حسيت حتى المرايا تستحي لمحي
.................. لو ما أذرفت عيني الا دمعةٍ عذرى
شرهات الاحلام , لو ماطاولت صرحي
.................. ماكان طاحت مع نجوم السما قمرى
أكتب أبنساه يجبرني الوفا أمحي
.................. اللي كتبته , واعلق عذري ببكرى
وأشتاق له , كثر مايشتاق لي فرحي
.................. وكثر قصيدٍ هقيت يجيبه وأزرى
وأحن له كثر مايضحك علي جرحي
.................. لا قلت له كلها كم يوم وبتبرى , !
مخرج ,
قبل ينطق لساني , بينت دمعتي
.................. وأعلنت لحظة الفرقا وجوب الرحيل ,
لاتحاول تساومني على رجعتي
................... والله أني عليك أبعد من المستحيل .
.................. وأعلنت لحظة الفرقا وجوب الرحيل ,
لاتحاول تساومني على رجعتي
................... والله أني عليك أبعد من المستحيل .
