اشتاق لك وانت قدامي على فكره ..يعني تصّور بغيباتك وش أخباري

[معانده جروحي]

فراق ؟ بسم الله الرحمن من ذكره
تكفى دخيلك لا عاد تجيب ذا الطاري
فوقتني يوم قلته من حلا السكره
ضيعتها سكرتي ياسكرة أنظاري
يا أمس عمري ويا يومي ويا بكره
فراقك اصعب علي من يوم مقباري
اشتاق لك وانت قدامي على فكره
يعني تصّور بغيباتك وش أخباري ..!!
ملامح السعد قبل أعرفك منكّره
واستوضحت يوم شفتك يابعد داري
أبواب قلبي على من جاه منسكره
وأعذاري انك هنا .. يامسمن اعذاري
ياعين حرٍ نداوي معتلي وكره
ياجملةٍ ما تعب تكرارها القاري
يزين فيك البحر والقاف والفكره
لولاك ماشفت حيٍ يطرق أشعاري
جاورت روحي .. وقلبي صرت محتكره
والقلب قلبك وخذ راحتك ياجاري
سلمتك رشا الهوى والدلو والبكره
وانا لك البير وأغرف كامل اسراري
وان كانك تسوق لي من الغلا بكره ؟
قد سقت لك من صميم الخافق أبكاري
سويت فيني جميل أعجز على شكره
علمتني ان الليالي متعة الساري
وعلمتني كيف أحب وكيف ما أكره
وان التفائل يلبس حظي العاري
إلا بقا شي ياغالي : على فكره !
ترى حياتي بدونك مالها طآري

 

[شروقـ♥̨̥̬̩]

فراقك اصعب علي من يوم مقباري
اشتاق لك وانت قدامي على فكره
يعني تصّور بغيباتك وش أخباري ..!!


رائع ما تختارينه من مواضيع يا غاليتي

 

[ĵúMåЙắ]

ترى حياتي بدونك مالها طآري

رااائعة مشرفتنا الغآآآلية ^_^
طرح مميز وكلمات رااائعة ..
بإنتظار الجديد من مواضيعك المتميزة ..
محبتي ..
​

 

[نسيم الصباح]

جاورت روحي .. وقلبي صرت محتكره
والقلب قلبك وخذ راحتك ياجاري
يسلمووو على الابيات المعبره
كل الشكر

 

[معانده جروحي]

شكرا على مروركم المميز يا غاليين