وليه المطر بالذات ريحه وصبّه كنّه رسول بين الاحباب بالذات

[نسيم الصباح]

ليه المسا عوق الشقـاوي وطبه
وليه الهبوب تصحي القلب لا بات ؟!!

وليه القمر يدعي جريح المحبّه
ويقول له يا هيه .. ما فات .. ما مات ..​

جرحك ظهر لو قلت للوجه خبّه
وللحزن في ضحكك رسوم وعلامات ..​

وليه المطر بالذات ريحه وصبّه
كنّه رسول بين الاحباب بالذات ..​

اشتاق فيه لشوفتك واتنـبّه
للي نسيته من مواقف ونظرات ..​

لا استانس الخافق ذكر من يحبّه
ورجع يراجع فالوناسات ما فات ..​

يا مرتع القلب الحزين ومبّه
يزيين بك مثل الذهب صدر الابيات ..​

هيهات ينسى القلب شخص ٍ لعبّه
وهيات يدله خاطري منك هيهـااااات ​

نبع الغلا عندك وعندي مصبّه
ومن الولا .. في خافقي لك .. ولاياات ​

وطيفك حطب عيني .. وعيني مشبّـه
والشوق برد ما انقطع لو للحظات ..​

ومكانك الصدر و له بالقلب شبّـه
بين الظلوع اللي فردهـا التنهات ..​

ولك بيرق فالقلب حبك يهبّه
شامخ ولا هزه من العذل غارات ​

محبتك فالوقت ذا ما تشبّه
الا بخيمـة بدو بين العمارات ..​

ان شفتني ضايق واهوجس واسبّه
اخاف غدر الوقت .. والوقت دورات ​

(( لا تحسب ان دمعي نزل دون سبّه
ابكي من الفرقا وهي مابعد جات ))​

اليوم كل امورنا .. مستتبّه
وبكره ماندري وش معه من مسرّات ..​

اربّ قلبك مثل قلبي اربّه
ما يخلفه كثر العذل والمسافات ..​

ابن فطيس المري

​

 

[دمعهـ شوووقــ]

موضوع مميز يسلمو نسيموووو

 

[قطر الندى]

اشتاق فيه لشوفتك واتنـبّه
للي نسيته من مواقف ونظرات ..


يسلمووو كتير ع الموضوع
ودي وحترامي
​

 

[نسيم الصباح]

دمعة شوق
قطر الندى الف شكر لكما على المرور الغالي
مودتي​