غريبه نفسي والسبب جروحي

[علمتني الحياة]

غريبه نفسي والسبب جروحي علمتني النوح...
من اول ماعرفت النفس لقيت النفس مقهوره...


حسبت اني مثل طير(ن) على كيفه يجي ويروح...
اذا ضآقت به الدنيآ يفل الريش منثوره...


يسآفر في فضآء ربي متى ضآقت عليه الروح...
ويرجع لابغآ عشه بلا جواز او صوره


انا دخيلك ياطير ودخيلك ياحمآم الدوح
تنآولني طرف ريشك مادام النفس مأسوره


دام الحزن غشى صدري ودامي مدري وين اروح...
ودام همومي تفتح لي بيبانه وانكسر صوره...


اشوف الحزن في وجهي مرايه تعكس المجروح...
واشوف ان الفرح فيني شموع(ن) وانطفى نوره...


تكسر داخل الصدري اهآت وآه(ن) قآم يلوح
كسر الزجآج الي منه تنثر مآهي مجبوره...


مآتروح ياهمي عني واظن ماودك تروح...
وظني ماهي عاداتك تشوف النفس مسروره...

 

[زهر الياسمين]

مآتروح ياهمي عني واظن ماودك تروح...
وظني ماهي عاداتك تشوف النفس مسروره...

كلمات رائعه علمتني الحياة


​

 

[الورده النقية]

مشكوره كتير اختي علمتني الحياه على الموضوع الجميل تقبلي مروري البسيط


تحياتي لك الورده النقية
​